首页财经股票大盘个股新股行情港股美股基金理财黄金银行保险私募信托期货社区直播视频博客论坛爱股汽车房产科技图片

八折羊城通与月票应当并存

2009年09月09日 05:33 来源: 信息时报 【字体:

  羊城通有望打8折喇!市交委话,会组织民意调查,完善依家嘅公交优惠方案,比如,增加对羊城通8折优惠,或者增加价格与限乘次数都较小嘅月票,或者增加公交与地铁联乘月票。

  记得以前羊城通推广阶段,坐地铁同公交都有8.5折优惠,后尾取消咗坐公交嘅折扣优惠,取而代之嘅系月票优惠。但系呢个月票哩,就真系非洲和尚——黑人僧。点解呢?首先,最烦嘅就系充值喇,一到月头月尾果几日,市民就排晒长龙等充值,咁仲未够,最惊就系度度都机器故障充唔到值,大热天为咗悭果几十蚊车钱周街跑,搞到身水身汗踢晒脚,真系频频扑搵命搏。第二,好多公交都唔可以用月票嘎,你话啲市民等咗半日等来部车,结果又冇得上,仲唔激到眼崛崛咩!

  虽然月票令人火滚,但又确实可以令部分人悭到钱啵,而羊城通打8折唔一定更悭钱嘎。举个例,从坑口到体育中心,月票115蚊差唔多就够喇,但如果改用8折羊城通,票价5蚊,折后4蚊,来回8蚊,每月22日就系176蚊,比月票多出几十蚊。计我话,最好系月票同8折可以任你拣,边个优惠拣边个,咁就最好喇!

评论区查看所有评论

用户名: 密码: 5秒注册