首页财经股票大盘个股新股行情港股美股基金理财黄金银行保险私募信托期货社区直播视频博客论坛爱股汽车房产科技图片

经济租赁房早就该推了

2009年09月25日 04:52 来源: 信息时报 【字体:

  买唔起经济适用房,点算?唔使忧,广州明年就要推出经济租赁房喇!据市住保办嘅人话,到时会根据嘅家庭收入水平制定不同嘅租赁标准,即系话,同一套屋,租俾收入多嘅人,租金就收多点;租俾收入少嘅人,租金就收少点。

  计我话,呢种经济租赁房一早就应该推出啦!嗱,你计吓,一套经适房假假哋都要几十万,单一个10万蚊嘅首期,就够晒几多困难户头痛,就算东拼西凑交咗首期,佢哋每个月工资先1000蚊上下,以后每个月成千蚊嘅的供楼款又边度嚟呢?于是,一啲人就惗出咗一个“好办法”——将经适房租出去,自己另外租便屋住。但系呢条“桥”其实真系条屎“桥”,因为政策规定经适房、廉租房系禁止“放租”噶。你出租吖嘛,好,套屋收返,结果搞到连到手的楼都冇埋,真系“偷鸡唔到蚀揸米”。正所谓亡羊补牢为时未晚,政府将要推出经租房,困难户真系咸蛋滚汤──心都实晒。

  咩话?咁着数嘅楼你都想租?咁要睇你合唔合呢三大条件喇:广州市城镇户口、家庭年人均可支配收入低于18287蚊、人均居住面积低于10平方米。老老实实话,呢个条件实在太严咗哋,好多收入高过18287蚊嘅人都一样为住房头痕噶,有关部门如果可以放宽下条件,或者另外推出一啲啱呢部分“夹心阶层”的经租房,咁就皆大欢喜喇!

评论区查看所有评论

用户名: 密码: 5秒注册