首页财经股票大盘个股新股行情港股美股基金理财黄金银行保险私募信托期货社区直播视频博客论坛爱股汽车房产科技图片

补贴机关幼儿园 6000万有必要吗

2009年10月28日 01:22 来源: 信息时报 【字体:

  广州有关职能部门对幼儿教育嘅支持有几落力?睇下今年114个市本级职能部门嘅“账本”就知了:9间政府机关幼儿园一年获得嘅财政补贴有6000万蚊,其中补贴最多嘅一间幼儿园有1997.91万蚊!真系唔睇唔知道,一睇吓一跳!

  财政每年补贴俾数以百万计普通大众赖以出行嘅公交公司只得6个亿,但系俾总共得几千个细路仔读嘅9间幼儿园嘅补贴就有6000万。其背后嘅原因估计大家都能会咁想:机关幼儿园系照顾公务员自己细路仔嘅,而公交系统同自己关系不大。

  喺呢6000万嘅打点下,呢啲幼儿园嘅教育条件肯定好过一般幼儿园,难怪要引得外边家长也争崩头都想送仔女入嚟读,但系学位有限,点算呢?园方就用赞助费呢个门槛嚟解决问题,同时又可以搞创收,真系一举两得。呢间幼儿园咁样做,嗰间有样学样,一时之间,好多普通嘅公立学校都要收赞助费。虽然中央严禁收取赞助费,家长也唔情愿交,但系为咗仔女嘅将来,都要忍住肉赤夹硬交。

  计我话,呢6000万要么就唔俾,要俾就分晒俾全市所有幼儿园,否则,教育资源失衡情况会越来越严重,赞助费风气也会越来越盛,百姓嘅怨声也会越来越大。如果连基本教育都冇办法保证,社会嘅和谐又从何谈起呢?

评论区查看所有评论

用户名: 密码: 5秒注册